Силјановска: Не треба да се бојкотираат овие избори, треба да се бојкотира власта
Објавено во: Македонија 02 Мај, 2019
Во Само вистина на Канал 5 вечерва кандидатот за претседател од СДСМ, Стево Пендаровски не негираше дека можеби тој ја платил цената за незадоволството кај народот и додаде дека има градоначалници кои не ги реализирале ветувањата кои ги дале на локално ниво.
Кандидатката поддржана од ВМРО-ДПМНЕ, Гордана Силјановска Давкова вели дека очекувале „правна метла“, и за премиерот Зоран Заев додаде дека се „саморазрешил“ или се „самоизметел“ од Советот за реформи во судството.
Таа изјави дека во Штип се видела со претставници на Бојкотирам и дека застанел зад неа.
„Како што знаете се сретнав со Левица, знаете дека таму дел од партијата повикуваше на бојкот. Јас мислам дека не треба да се бојкотираат овие избори, треба да се бојкотира власта“, вели таа.
Според неа, луѓето кои биле дел од Шарената револуција се разочарани од власта.