„Симпо“ рипна во државно тавче

Добивај вести на Viber

Раководството на „Симпо“ го прифати предлогот на министерството за финансии даночниот долг на компанијата да се претвори во акции на државата, која така  би станала и мнозински сопственик на претпријатието. Како што соопштиле од министерството, според предлогот на Младен Динкиќ, Србија така би имала 70 отсто од капиталот на Симпо. Компанијата истовремено се обврзала дека од денес редовно ќе ги плаќа сите даночни обрски кон државата за што ќе биде потпишан и посебен протокол кој ќе биде упатен до Владата на потврдување. Раководството на Симпо извести и дека до крајот на неделата ќе изврши уплата на долгот за доприноси со што ќе стекнат услови за да се изврши деблокада на сметката на компанијата. “Тоа е пред се во интерес на 5.000 вработени во Симпо кои треба да имаат работа, плата, но и редовно платени придонеси. Со што ќе остварат сигурни примања и тогаш кога ке стекнат право на заслужена пензија“, пишува во соопштението. Според српското министерство за финасии, пак секое претпријатие во земјата, мало или големо мора да има потполно ист даночен третман.