Сите чекаат градежен бум-а како ќе се оствари?

Добивај вести на Viber

Ќе ги исполни ли годинава очекувањата на градежниците за бум во овој сектор?

И покрај оптимизмот, останува времето да го покаже своето.

Надлежните најавуваат експанзија и старт на реконструкцијата на околу 40 патни правци а очекувањата на компаниите се секторот да ја врати улогата на главен креатор на бруто домашниот производ. 

Претседателот на Здружение на градежници при Стопанската комора на Македонија Андреа Серафимовски не поддржува предвремени избори бидејќи како што посочува целта е да се фати некој чекор.

Министерот Сугарески пак смета дека се создадени услови за да ги исполнат ветувањата што ги дадоа за 2019 година.

Во 2018 година капиталните инвестиции се најмали во последните десет години

Владата успеа да потроши само 65 проценти од планираните пари за капитални инвестиции во 2018 година. Конечните податоци се објавени денеска и според нив, за најсуштинските трошења од ланскиот буџет биле потрошени 197,5 милиони евра, најмалку во последните десет години. Инаку Владата за 2018 година прво предвиде за капитални расходи 391 милион евра, а потоа со ребалансот оваа сума ја намали на 301 милион евра. Сепак од овие пари реализирани како капитални трошења се само 65 проценти или тие 197,5 милиони евра. 

Она што е забележливо е што реализацијата значајно се зголеми во последниот месец, односно заклучно со ноември беа реализирани околу 47 проценти од предвдидените капитални инвестиции а за еден месец или само во декември реализацијата скокна на над 65 отсто.

Ако се анализираат бројките за десетте години наназад излегува дека 2018 година е најлоша по овој показател.