СИТЕ ПОГЛЕДИ СЕ ВПЕРЕНИ КОН ЕВРОПСКАТА ЦЕНТРАЛНА БАНКА - можно ли е да ги зголеми каматите за 0,5 процентни поени?

Добивај вести на Viber

Сите погледи денеска се вперени кон денешниот состанок на Управниот совет на Европската централна банка (ЕЦБ) во Франкфурт, кој соочен со инфлација надвор од контрола, веќе, по децении, нема да може да избегне заострување на монетарната политика, пишува Poslovni.hr.

Главното прашање колку ќе пораснат референтните стапки е се уште отворено бидејќи во медиумите протече информација дека ЕЦБ размислува да ги зголеми каматните стапки за 50 базични поени, наместо за очекуваните 25 поени.

Инфлацијата повторно го урна рекордот во јуни, достигнувајќи 8,6 отсто во еврозоната, со очекувања дека ќе продолжи со нагорниот пат, се додека не се случи намалување на цените на енергијата и храната.

Досега ЕЦБ најмногу го потценуваше растот на новите цени (до неодамна инсистирајќи на тоа дека инфлацијата е привремена и минлива), но се очекува таа да забави дури на крајот на годината. Извесно е дека ќе остане над целта од 2 отсто и во текот на 2024 година.

Најавата за благ пораст на цената на парите, особено во споредба со поагресивниот пристап на американската ФЕД, за многумина е бавна и неадекватна реакција на Франкурт. Сепак, претпазливоста е последица на неизвесната економска ситуација во Европа, дополнително отежната од последиците од војната во Украина.

Со висока инфлација и забавување на растот, за многумина е прашање на денот кога Европа ќе западне во рецесија поради енергијата, а ЕЦБ размислува да ги зголеми каматните стапки за да ја забави инфлацијата. Во исто време, овој потег ќе ги поскапи задолжувањата (и рефинансирањето) за веќе длабоко задолжените членки како што е Италија, која во моментов е потресена од политичка криза која исто така влијае на приходите.

Голем број земји-членки веќе им препорачаа активни мерки за штедење на своите граѓани и економии пред подготовките за грејната сезона, која зависи од (рускиот) гас.

Фото: EPA/JULIEN WARNAND