Скапиот дочек на Нова Година повторно ќе удри по џебот на граѓаните

Добивај вести на Viber

Новогодишните празници и Божиќ се денови кога граѓаните дефинитивно трошат најмногу пари.

Статистиката не дава точни податоци, но сите показатели упатуваат на тоа дека секое семејство просечно издвојува по стотина евра за дочекот на Новата година.

Или ако пресметаме дека во земјава има над 500 илјади домаќинства изпаѓа дека граѓаните ќе потрошат над 60 милиони евра .

Скапи менија за дочекот во ресторани, кафулиња, дискотеки

Различни угостителски објекти, различни менија и најразлични цени. Цените од објект до објект варираат во зависност од менито.

Во зависност од понудата и имиџот на локалот цените се движат од 800 па и над 6.000 денари.

Еден скопски угостител вели дека цените не се високи, ако се земе предвид колку многу се пие .

Доколку пак решите да останете дома, нема ни таму да поминете евтино. Ќе треба да потрошите некој денар за салата, кифлички, благичко...алкохол.. и сето тоа носи пари , да не се лажеме. Единствена предност е што ќе немате потреба да трошите пари на гардероба и да се дотерувате како за излегување.

Патување, зимување ...

Оние со „подлабок џеб“ најчесто пак одлучуваат да патуваат и новата година да ја дочекаат надвор од границите на татковината.

Виена и Будимпешта се дестинации кои дефинитивно преовладуваат, а не се исклучок ниту познатите а блиски ски туристички центри Банско и Боровец.

Аранжманите во Банско чинат  од 200 до 300 евра за 3 ноќевања заедно со свечена вечера на 31 декември, додека европските метрополи имаат различни цени кои варираат од тоа на кој начин ќе патувате, дали со автобус или пак со авион.