СКОРО 50 ШТЕКИ ЦИГАРИ ОТКРИЕНИ ВО ЦЕВКА ЗА ЦРЕВО НА КАМИОН - Цариниците со нови заплени

Добивај вести на Viber

Ново откритие на царинските служби. Овој пат успеа да извадат големи количини на скриени штеки цигари во помошни делови од товарни возила. 

Но, откриени се и шишиња вино, резервни делови од возила и други предмети кои увезувачите сакале нелегално да ги увезат или извезат. 

Како што соопштуваат од Царинсакта управа, царински службеници на граничен премин Богородица во една цистерна пронајдоа дури 49 штеки цигари и 300 грама тутун за пушење скриени во цевката за црево, како и во цевката во долниот дел од цистерната. 

- Во друг случај на граничен премин Богородица Службата за мобилни скенери при скенирање на товарно моторно возило – цистерна, откри 6 штеки цигари скриени во кабината - се наведува во објавата на Царина. 

Исто така се запленети 30 илјади евра што патник сакал нелегално да ги изнесе преку граничен премин Богородица, а службата за мобилен скенер спречила обид за нелегален влез на четири мигранти, државјани на Египет. 

- Спречен обид за шверц на 540 шишиња вино коишто биле скриени во автобус, пријавен за влез во државата на граничен премин Блаце.  143 резервни делови за возила и 24 литри моторно масло, се пронајдени при контрола на автомобил управуван од албански државјанин пријавен за влез во државата на граничниот премин Меџитлија.  Три таблети, две матични плочи и четири читачи на жетони за кафе-апарати се откриени во багажникот на автомобил со македонски регистарски таблички на влез во државата на граничниот премин Блаце - се наведува во објавата на Царина во која споделуваат и видео од откриените штеки со цигари.