Словенечките банки под лупа на Брисел

Добивај вести на Viber

На проверка и преглед на квалитетот на активата ќе бидат ставени десет словенечки банки, вклучувајќи ги и оние во државна сопственост, објави словенечката Централна банка. Во одборот што ќе ја следи проверката на банките се и набљудувачи на Европската комисија, Европската централна банка и од Европската канцеларија за банкарска супервизија, покрај претставници на Централната банка и Министерството за финансии Проверка ќе им се врши на Нова Љубљана банка, Нова кредитна банка Марибор и Абанка Фактор банка, Випа и уште седум други банки: Банка Целје, Горењска банка, Пробанка, УниКредит Банка Словенија, Хипо Алпе Адриа банка и Рајфајзен банка. Со оваа ревизија ќе се направи и независна проценка на вредноста на недвижниот имот што го имаат банките, а резултатите од оваа проверка треба да бидат познати до крајот на годината. Проверките кои ќе бидат извршени треба да покажат колку на банките ќе им треба дополнителен капитал, во случај на различни сценарија на развој на ситуацијата на финансискиот пазар до 2015, како и колку банките се оптоварени со лоши заеми.