СЛОВЕНИЈА, БУГАРИЈА И ЦРНА ГОРА СЕ ПРЕД МАКЕДОНИЈА: Дали земјава е привлечна за меѓународните инвеститори?

Добивај вести на Viber

Нашата земја е на 54-та позиција според Индексот на глобални можности (Global Opportunity Index) за 2023 година. 

Станува збор за привлечноста на земјата за меѓународните инвеститори.  Во однос на регионот ние сме зад, Словенија која е на 26 позиција, Бугарија на 46 позиција и Црна Гора која се најде на 50 место. Полошо од Македонија котираат Србија (59), Хрватска (64), Грција 71 и Албанија (73). 

На глобално ниво води Данска, потоа следат Шведска, Финска, САД и Обединетото Кралство.

Сингапур е на врвот на Азија како омилена земја на инвеститорите во регионот и се најде на 14-то место на глобално ниво. Хонг Конг и Јапонија се рангирани на 15-то и 16-то место во Азија.

На претходната ранг листа Македонија беше на 53 позиција.

Индексот го одреди институтот Милкен за да им помогне на инвеститорите кои бараат можности надвор од нивните локални пазари. Индексот се заснова на 100 индикатори класифицирани во пет категории: деловната перцепција ги мери ограничувањата со кои се соочуваат бизнисите и леснотијата на бизнисите да ги решаваат споровите, економските основи ја доловуваат макроекономската перспектива на земјата и потенцијалот за иден развој, финансиските услуги го мерат пристапот на една земја до финансиските услуги, институционалната рамка го доловува степенот до кој институциите на една земја помагаат или ја попречуваат деловната активност, меѓународните стандарди и политики мерат колку една земја е интегрирана во меѓународната заедница.