Словенија со раст од 10,5 проценти во градежниот сектор е лидер во ЕУ
Објавено во: Балкан 21 Август, 2013
Најголем раст во градежниот сектор во јуни меѓу сите држави на Европската унија, оствари Словенија со растот од 10,5 проценти, објави „Еуростат“.
Обемот на градежните работи во еврозоната во јуни се зголеми за 0,7 проценти, а во цела Европска унија за 0,8 проценти.
Освен во Словенија, градежништвото силно се зголемило и во Полска со 5,3 проценти и во Германија со 1,6 проценти.
Најголем пад забележа Романија, каде обемот на градежните работи се намали на 2,4 проценти.
Во вториот квартал од 2013 година во Словенија се издадени 913 градежни дозволи, што е за 24 проценти повеќе во однос на 2012 година.
Агенцијата „Франс Прес“ објави дека бројот на издадени дозволи за стамбените објекти е зголемен за 14 проценти, додека дозволите за стамбено-деловните згради се зголемени за околу 33 проценти.