СЛУЧАЈ ТРУСТ: Сеад Кочан пред лицето на правдата-ќе докажува како се „борел“ за добивање тендери
Објавено во: Македонија 19 Октомври, 2017
Бизнисменот кој одреден период беше „бегалец“ со обвинителите на СЈО тет-а-тет во суд ќе се соочи на 7 ноември.
Судот закажа јавна расправа за случајот „Труст“ во кој Сеад Кочан е прв осомничен.
Кочан ќе се соочи со лицето на правдата и ќе треба да даде одговори како и „до каде одела борбата со конкуренцијата за добивање тендер“.
Осомничените во случајот местеле тендери во ЕЛЕМ во вредност од 17 милиони евра.
Се работи за тендер кој во 2011 година го распишала државната фирма „Електрани на Македонија“ (ЕЛЕМ) за ископување јаловина и јаглен од рудникот Суводол во Битола, притоа доставувајќи фалсификувани документи за сопственост на мехнизација и за кадровска екипираност, три фирми, задружени во конзорциум, го добиле тендерот на ЕЛЕМ, вреден 1,06 милијарди денари или 17.235.772 евра.
Трите фирми кои ги товари СЈО се „Трансмет“ од Скопје,, „Силекс“ од Кратово и „Вато“ од Студеничани.
Според обвинението тие на тендерот на ЕЛЕМ му доставиле лажна документација во која прикажале наводна сопственост на тешка механизација за ископување, која ја немале и не ја набавиле, а таа што ја имале била со помал капацитет.