Добивај вести на Viber
Македонија и Србија потпишаа договор за взаемно признавање на возачките дозволи во двете земји. Спогодбата во Белград ја потпишаа македонската министерка за внатрешни работи Гордана Јанкулоска и нејзиниот српски колега Небојша Стефановиќ.
„Спогодбата ќе им овозможи на граѓаните да преминуваат од една во друга земја без посебни процедури“, рекол Стефановиќ.
Јанкулоска, од своја страна, оценила дека спогодбата има конкретно значење за граѓаните на двете земји, а особено за српските граѓани кои транзитираат низ Македонија до многу туристички дестинации.
Двајцата министри најавија брза ратификација на склучената спогодба и позитивно ја оценија соработката меѓу двете министерства. Стефановиќ на македонската колешка и се заблагодарил и за помошта во спасувачи и опрема што ја испрати Македонија за време на поплавите во соседна Србија.