„СО НАШИ ПАРИ ШЕТА И УЖИВА ПО БОСФОР“: ВМРО со остра реакција за патувањето на Јахоски

Добивај вести на Viber

По објавата дека Асмир Јахоски кој се најде во центарот на вниманието откако беше уапсен за голема проневера, се ѓета во Турција, реакција од владејачката ВМРО - ДПМНЕ. 

Од партијата посочуваат дека „откако го оштети Буџетот на државата за 167 милиони евра и за кого се води постапка, во моментов ужива на Босфор“.

- Откако доби домашен притвор за кривично дело перење пари и други приноси за набавката на мазут со сомнителен квалитет и потекло, синот на пратеникот на ДУИ, сега можеме да го видиме по медиумите дека е на Босфор, Турција - пишува во соопштението на ВМРО-ДПМНЕ.

Од таму додаваат дека „судиите избрани од ДУИ и СДС му го укинаа притворот и му го одземаа пасошот бидејќи тој даде милиони за гаранција дека нема да бега, сега се поставува прашањето како е тој во Турција кадешто ги троши милионите кои ги проневерил“?

- Од информации во јавноста, дознаваме дека судиите му одобриле на Јахоски и му го вратиле времено пасошот за тој да може да шета и ужива по Босфор со нашите пари кои тој и неговите блиски ги украдоа од Буџетот на државата! Правдата изгледа ќе мора да почека додека тој слави матурски на Босфор. Затоа судиите мора да одговараат. Реформи во судството мора да има - се вели во соопштението од ВМРО-ДПМНЕ.