Собранието ги именува и разрешува членовите на РКЕ
Објавено во: Економија 06 Ноември, 2020
Антикорупциска го испитува случајот за кој се отвори сомнеж дека Атанаско Тунески како член на Регулаторната комисија за енергетика, паралелно поседува и 10 обични акции на компанијата Макпетрол АД, а според Законот за спречување на корупција и судир на интереси службено лице не може во текот на мандатот, како и во рок од три години по неговиот престанок да стекне по која и да е основа и во кој и да е облик акционерски права во правно лице врз кое тој или органот во кој работи или работел врши, односно вршел надзор, освен ако тие права ги стекне по пат на наследување.
ДКСК треба да прибави податоци и доколку се потврдат сомнежите ќе побара Собранието да го разреши Тунески од функцијата.
Со постапката Антикорупциска треба да одговори како е можно Тунески како член на РКЕ кој е должен да учествува во работата и одлучувањето на седниците на Комисијата, истовремено да има увид во работата на енергетска компанија каде поседува акции.
Атанаско Тунески е член на РКЕ од 26 јуни 2018 година. Согласно закон, членовите и претседателот на РКЕ на предлог на Владата ги именува и разрешува Собранието на Република Северна Македонија.
Функцијата член на РКЕ се врши професионално и е неспоива со извршувањето на друга јавна функција или функција во политичка партија или работно место. Доколку членот на РКЕ пред именувањето бил во работен однос, работниот однос му мирува.