Социјалистите во ЕП: Победата на Трамп - зараза
Објавено во: Свет 09 Ноември, 2016
Претседателот на групата на социјалистите и демократите во Европскиот парламент, Џани Питела тврди дека победата на Доналд Трамп на претседателските избори во САД е како „ширење зараза", која ги зафати САД и Велика Британија.
„Го почитуваме гласот на американскиот народ, но за нас денеска е тажен ден, тоа е тажен ден за светот“ - пишува Питела.
Тој за Трамп вели дека е како „знак на зараза, кој ќе ги зафати длабоко нашите општества".
Питела повикува за револуционерни промени во Европа кои би ја заштитиле од промените во светот.
Победата на Трамп го плаши и ќе има значително влијание за иднината на целиот свет.
„Не можеме да се вратиме назад, тоа е земјотрес, кој доведува до целосна промена. На екстремизмот на Трамп треба да одговориме со крајни реформи. Мораме да ја промениме ЕУ, да ја направиме демократска и фер, да го реформираме финансискиот сектор. Треба да можеме да понудиме јасни решенија за загриженоста на луѓето, инаку заразата ќе продолжи да се движи по светот "- коментира Питела.
Веруваме дека и покрај предизборните изјави на Трамп, САД ќе останат верни на трансатлантските врски, додава тој.