Спасов: Ахмети ги изедначи СДСМ кои се борат со режим и ВМРО-ДПМНЕ кои се борат за автократија

Добивај вести на Viber

По средбата со Карл Билд, Али Ахмети изјавил дека ДУИ дава конструктивен придонес за надминување на кризата со тоа што дал согласност да се формира парламентарно мнозинство. Но, решението на кризата зависело од двете големи македонски партии.

Тоа значи дека СДСМ и ВМРО имаат подеднаква и вина и одговорност за сегашната состојба според Али. И затоа тој ,како “странски дипломат”, препорачува тие две партии да ги надминат недоразбирањата заради државните интереси.

Со други зборови. Ахмети и натаму не гледа политичка обструкција од страна на ВМРО и продолжува со политиката на “мирољубива и активна коегзистенција, и ” и одржувањето на “политичка еквидистанца” кон големите македонски партии.
Тоа е конзистентно со тврдењата на ДУИ дека кризата во Македонија настанала заради судирот меѓу двете македонски партии а не заради криминалот на власта, заробените институции, нелегалните прислушувања и национализмот кој ја одалечуваше Македонија од НАТО и од ЕУ.

Али Ахмети за жал се враќа на тезата дека македонските политички партии треба меѓу себе да се договорат како што се договориле албанските .

Така тој конечно би докажал дека меѓу СДСМ кој се бори за демократски промени и ВМРО кој се бори за зачувување на еден авторитарен режим нема разлика.

И затоа време е да престане да ги изедначува, ако е искрен дека треба да прави парламентарно мнозинство и влада со СДСМ и да слушне зошто Албанците не сакаат ДУИ да прави влада со Груевски, пишува  Ѓорѓи Спасов на Фејсбук.