СПАСОВСКИ: Најголемо е намалувањето на изборните поткупи
Објавено во: Македонија 31 Октомври, 2021
Министерот за внатрешни работи Оливер Спасовски упати честитики за граѓаните, вели демократијата станува дел од нашите животи. Граѓаните покажаа дека може да се организира фер и демократски изборен процес.
Спасовски рече дека граѓаните навремено ги пријавувале сите сомнежи за заштита на избирачкото право, па МВР имала можност да реагира.
„До 19 часот имаше за 31,7 отсто намалување на пријавените настани во однос на изборите во 2020 година, а најголемо намалување на пријавените поткупи“, рече Спасовски.
Имало пријавено уништување на изборен материјал во Кичево и повреда на тајноста на гласањето бо Кочани, ќ и за овие два случаи ќе има кривични пријави.
Пријавени се пет полициски службеници, од кои 4 се отфрлени, а еден случај се истражува.
„МВР максимално одговорно и посветено одговори на предизвиците, да упатам благодарност до полициските службеници и граѓаните. РСМ го положи тестот на демократската зрелост“, рече Спасовски.