СРБИЈА МУ ПОСТАВИ УСЛОВ НА КОСОВО: Имаат рок од три недели

Добивај вести на Viber

Србија му постави услов на Косово. 

Директорот на српската владина Канцеларија за Косово и Метохија, Марко Ѓуриќ денеска изјави дека Приштина има рок од три недели да започне со формирањето на Заедницата на српските општини (ЗСО).

Доколку тоа не се случи, тој на прес-конференцијата во Белград изјави дека претставниците на Србите од Косово сами ќе започнат со создавањето на ЗСО. Рече дека за тоа имаат поддршка од српските власти, а создавањето на ЗСО е во согласност со домашното и меѓународното право, како и со Бриселскиот договор.

Косовскиот премиер Рамуш Харадинај изјави дека не може да има поделба и размена на територии меѓу Косово и Србија. На социјалните мрежи напиша: „Српскиот претседател Александар Вучиќ треба да разбере дека нашето трпение не е безгранично и ќе го заштитиме нашето право“. Меѓудругото ја повика Српска листа да се врати на масата и да дискутира за заедничките теми за доброто на сите граѓани, како и дека ултиматумот е погрешен пристап“.

Ѓуриќ реагираше на изјавата на Харадинај. Рече дека станало јасно дека во Приштина на власт се лица кои не сакаат мир, туку се подготвуваат за војна. 

Раговорите на српскиот претседател Александар Вучиќ со шефот на руската држава Владимир Путин и со меѓународните дипломати ги оцени како охрабрување за Србите на Косово и повтори дека Белград сака до дојде до решение по мирен пат, но и дека треба да се знае оти србија во секој поглед ќе ги штити интересите на српскиот народ.

Односите станаа тензични откако Ѓуриќ деновиве беше уапсен, па ослободен во Косовска Митровица. Тој се пожали на брутално однесување на косовската полиција, која му се заканувала со нож и калашников.