Србија одби да го поддржи членството на Косово во меѓународните организации
Објавено во: Балкан 25 Декември, 2015
Србија нема да го поддржи членството на Косово во меѓународните организации, што би значело легализирање на едностраната прогласена независност на Косово, вклучувајќи гп во ОН. Тоа го изјавил српскиот министер за надворешни работи, Ивица Дачиќ.
Тој додал уште дека дијалогот помеѓу Приштина и Белград е целосно неутрален. Во одговор на повикот на американскиот амбасадор во Србија, Мајкл Кирби, Дачиќ, изјавил дека Белград и Вашингтон имаат поинаква перспектива за едностраното прогласување на независноста на Косово.
Во интервју за српското издание „Новости“ Кирби изјавил дека за нормализирање на односите помеѓу Белград и Приштина подразбира членството на Косово во ОН.
„Не сакаме Србија да ја признае независноста на Косово, туку нормализација на односите Белград - Приштина. Што ќе значи на крајот на оваа нормализација ... според нас ... членство на Косово во ОН“, изјавил тој.