Србите уште две децении ќе ги плаќаат долговите од времето на Тито
Објавено во: Економија 09 Декември, 2020
Граѓаните на соседна Србија уште долго ќе ги плаќаат долговите кои се направени во времето на СФРЈ.
Србите ќе ги плаќаат долговите на поранешниот претседател на СФРЈ, Јосип Броз Тито, уште 21 година.
Веќе следната недела за наплата достасува долг од повеќе 20 милиони евра, пишува српски Блиц.
На 15-ти декември, според најавата, достасува долг од 22,14 милиони евра, од коишто главнина е 17,8 милиони, а четири милиони се камата.
Последните рати на кредити што поранешна Југославија ги земала во 70-тите и 80-тите години доспеваат во 2031-ва и 2041-ва година, а вкупниот долг надминува 1,7 милијарди евра.
Во тој период, Србија се задолжила со 8,8 милијарди евра, од Парискиот клуб заемот бил 3,8 милијарди, а од Лондонскиот 2,2 милијарди. Во текот на претходните години, во просек се враќани по 250 милиони евра стари кредити, а само минатата година околу 230 милиони евра.
Денес најголемиот долг, како што пренесува Блиц, е кон Парискиот клуб – 1,09 милијарди евра, од каде пред четири децении земјата се задолжи со вкупно четири милијарди евра. На второ место е Светска банка со 700 милиони евра, а уште неколку децении ќе се отплаќаат и кредити во Кина и Кувајт.