СРПСКА ДЕЛЕГАЦИЈА ВО МАКЕДОНИЈА: Се отвора One Stop Shop на граничниот премин Табановце-Прешево

Добивај вести на Viber

Српска делегација доаѓа во земјава. Повод е за посетата е One Stop Shop на граничниот премин Табановце-Прешево со кој всушност се олеснува поминувањето на патниците, но и на транспортерите.

Македонија и Србија ќе работат по концепт на заеднички гранични контроли и гранични контроли со едно застанување (One-stop shop) значи поедноставени постапки, што се спроведуваат на еден заеднички граничен премин, при минимален број застанувања, по можност единствено застанување, преку кој контролата на патниците, стоката и нивните превозни средства се врши само еднаш на едно место. 

Концептот на Со примена на концептот на заедничка контрола се постигнува поголема усогласеност и се олеснува преминувањето на патниците, стоките и превозните средства во патничкиот сообраќај, како и предметите што патниците ги носат со себе.

Во официјална посета доаѓа српската премиерка Ана Брнабиќ а таа ќе има средба со премиерот Заев, но и со шефот на државата Стево Пендаровски.

Имено, за патниците и транспортерите кои од Србија ќе се движат кон Северна Македонија граничната служба на Србија ќе спроведе излезна контрола на територијата на Северна Македонија на граничниот премин Табановце, додека контролата за оние кои патуваат од Северна Македонија кон Србија излезната контрола македонските гранични служби ќе ја спроведат на територијата на Србија, на граничниот премин Прешево.

Заедничкото царинење ќе овозможи повисок степен на хармонизација на граничните контроли и унапредена примена на концептот на интегрирано гранично управување, ќе се намали можноста за царински измами, поради непосредниот увид во комерцијалните документи што ја следат стоката, ќе се воведе контрола и вршење на граничните формалности од страна на сите надлежни органи за нивно спроведување, на две соседни држави, при единствено запирање, ќе се забрза протокот на патници, стока и превозни средства на граничните премини каде што ваквиот концепт е воведен и ќе се изврши заштеда на ресурси потребни за реализација на концептот.