Добивај вести на Viber
И покрај економската криза во Србија, тамошните граѓани, оваа година, потрошиле една милијарда долари на летување, пишува „Б92“.
Според податоците на статитистичките агенции, месечно од земјата, на викенд патувања и одмори, српските граѓани изнесуваат повеќе од 80 милиони долари. Cекоја година српските туристи трошат се’ повеќе пари на патувања. А, ова лето најмногу пари, околу 250 милиони долари ќе остават во Грција.
Пред пет години, кога платите биле редовни, на патувања во странство Србите потрошиле 487 милиони долари.
И овогодишните податоци на Народната банка на Србија, за првите шест месеци, покажуваат тренд на пораст на потрошувачката за патувања во странство. До јули се потрошени 477 милиони долари, а 453 милиони долари се потрошени лани во истиот период .
Српските туристи во Турција потрошиле 80 милиони долари, што е за 10 милиони повеќе одошто во Црна Гора, каде летуваат четири пати повеќе одошто во Анталија. Овој податок не треба да зачудува, бидејќи еден просечен аранжман за Турција чини 1.000 евра, додека во Црна Гора почесто може да се најде приватно сместување. Хрватска може да се пофали дека Србите годинава им оставиле 28 милиони долари, двојно помалку одошто во Египет и три пати помалку одошто во Италија.