СТОЈАНЧЕ АНГЕЛОВ: Три српски и еден хеликоптер на АРМ го гаснат пожарот околу Дренак, тој е најсериозен
Објавено во: Македонија 04 Август, 2021
Девет пожари моментно се активни, а состојбата е најсериозна во Општината Старо Нагоричани, околу селото Дренак, изјави за МИА в.д. директорот на Центарот за управување со кризи (ЦУК), Стојанче Ангелов, додавајќи дека ангажирани се сите расположливи ресурси со што се надева дека во текот на денешниот ден ќе биде воспоставена контрола врз сите пожари.
Околу селото Дренак дејствуваат три хеликоптери од Србија заедно со еден хеликоптер на АРМ, додека втората посериозна ситуација е околу Пехчево, каде што исто така утринава делувал армиски хеликоптер.
Тој напомена дека е побарана помош од Словенија и од Грција, но дополнително ќе информира кога би требало да пристигне.