СТУДЕНТИ ПРОИЗВЕДУВААТ МАЛИНИ: Не сакаме да бидеме дел од статистика на невработени
Објавено во: Балкан 08 Април, 2017
Студентите Харис Канлиќ и Билал Чаушевиќ од Сараево, знаењето кое го стекнале на Земјоделско - прехранбениот факултет и практично го применуваат за сопствено производство.
Со својот пример покажаа дека има и млади во БиХ кои не седат со скрстени раце и не чекаат работа.
Раскажуваат дека БиХ има можности за производство кои тие решиле да ги искористат.
Пред две години Харис засадил малини и додека студирал ги зголемил површините, а сега ужива во плодовите на својата работа.
„Можеби нема секогаш да имаме успех, но вреди да се проба. Во пракса го променувам она што ќе го научам на факултет. Освен што учествувам во работа, садење и берба, давам и стручни совети за производство и заштита“ - вели тој.
По бербата, дел од малините ги продаваат свежи, а дел ги преработуваат во џемови, слатко, сокови, компоти.
Раскажуваат дека прават по стотина килограми џемови и 200 литри сокови и сирупи.
Но, освен малини одгледуваат и други овошки како дуња, јаболко, слива.
За одгледувањето на малини двајцата пријатели велат дека се исплати во секоја смисла.