Добивај вести на Viber
Околу 300 евра чини испит на факултетите во Србија, но митото за прeодна оценка не се нуди директно на професорот, туку на посредник, покажува истражувањето на Белградското отворено училиште.
Во истражувањето претставено пред крајот на минатата година, на факултетите од четирите државни универзитети во Србија, 16% од околу 1.800 испитани студенти навеле дека митото најмногу му се нуди на професорот, 25% на посредникот, додека 20% на некој од администрацијата на факултетот.
Експертите предупредуваат дека корупција има скоро во сите области на образовниот систем во Србија, и поради тоа е потребна системска борба против тој проблем.
Според истражувањето на Белградското отворено училиште, испитот на факултетите се купува во просек од 300 евра, а митото се дава за одобрување на учебници, вработување, влегување преку врски, купување на диплома. Со ова се согласува и шефот на Републичката просветна инспекција Велимир Тмушиќ, кој додава дека ќе биде основан посебен тим за борба против корупцијата во образованието.