Судење за Штипјаните кои брутално истепаа девојка: Нашле и адвокат
Објавено во: Македонија 23 Април, 2020
Денеска треба да почне судењето на двајцата штипјани кои нападнаа и насилно истепаа девојка во Штип. За делото, двајцата беа во притвор,Основното јавно обвинителство од Штип ја заврши истрагата, поднесе е обвинение и закажано е судењето во Основниот суд во Штип.
Тие имено, пред неколку месеци ја истепаа штипјанката која има 21 година, настанот го снимиле и материјалот беше објавен на социјалните мрежи.
23-годишниот П.Р. и 26-годишниот С.А., и двајцата од Штип, се обвинети за делото „насилство“. За ова дело во Кривичниот закон, според Обвинителството, е предвидена казна затвор во траење од шест месеци до пет години. Во текот на истрагата не е утврдено дека се работи за „Семејно насилство“, дело за кое казната е поголема, бидејќи девојката не била во партнерски однос ниту со едниот ниту со другиот.
Се тврди дека поради тоа што ниту еден адвокат од Штип не прифатил да ги брани, на тоа се нафатил бранител од друг град.