Добивај вести на Viber
Судскиот процес за кражбата на вредни артефакти од Музејот на Македонија сепак не започна како што беше најавено. Судењето се одложи на барање на одбраната, која истакна дека не ги добила доказите обезбедени во предистражна постапка.
Новото рочиште е закажано за еден месец.
На обинителна клупа за овој случај се наоѓаат седуммина, меѓу кои и поранешни директори на Музејот, програмски директор, виш кустос, ракувач на депо и златар.
Обвинетите се товарат за отуѓување културно наследство од особено значење во држава сопственост, несовесно работење во службата и злоупотреба на службената положба и овластување и прикривање. Меѓу нив беше и поракешниот директор на Управата за заштита на културно наследство Паско Кузман, но против него не беше покренато обвинение.
Од Музејот беше откриено дека недостигаат најмалку 166 вредни артефакти и збирки. Осомничените од ноември се во притвор. Според обвинението, тие ги изнесувале вредните предмети од депоата на Музејот и ги препродавале кај познат златар.