Сугарески: Камионџиите да спијат во кабините
Објавено во: Економија 17 Март, 2020
Горан Сугарески, министерот за транспорт и врски, ги објави забраните и препораките за македонските возачи на камиони и други товарни возила заради лична и колективна заштита додека патуваат низ земјите со среден и висок ризик на Ковид – 19.
Им се ограничуваат контактите и движењата на патните правци од точка А до точка Б, освен заради потреба од обезбедување на храна и тоалет. Се забранува контакт со други лица. Доколку излезат да купат храна или за тоалет, задолжително да користат лични заштитни средства и тоа: ракавици за еднократна употреба, заштитни маски N 95 или FFР 3 со единечен филтер, додека нема потреба од носење на заштитни мантили како и заштитни ночари и каљачи
Заради можноста од остварување на директен респираторен контакт со заболени лица на Ковид– 19, во мотелите, хотелите и рестораните се препорачува тие да спијат во кабините на своите моторни возила.
„При враќање во РСМ се замолуваат да стапат во контакт со надлежна епидемиолошка служба Центар за јавно здравје заради добивање на натамошни инструкции за мерки и постапки доколку пројават симтоматологија“, објави Сугарески.
За време на патувањето се препорачува после секој контакт во маркет, продавница, тоалет задолжителна е дезинфекција на рацете, максимално избегнување на контакт со други лица повеќе од 10-15 секунди (особено со лица со симптоми), почесто проветрување на кабината за време на возењето, да не носат лична заштитна опрема, да не превземаат автостопери, задолжително да имаат обезбедено средства за дезинфекција на раце на база на алкохол за време на патувањето
„Се задолжува Здружението на лиценцирани авто превозници да изготви свој оперативен план за да се спроведе ротирање на возачите, односно нивна последователна промена при патувањата во средно и високо ризични земји“, додава Сугарески.
Од денеска сите гранични премини на земјава се затворени. Одлуката синоќа ја донесе Владата, по што министрите за здравство и за надворешни работи, Венко Филипче и Никола Димитров информираа дека копнените граници кон соседите се затвораат за премин на странски државјани, патници и возила, освен за влез и транзит на товарни возила за претставниците на димпломатскиот кор во државава, како и за други лица за кои МВР ќе даде дозвола по претходно мислење од Главниот координативен кризен штаб кој ќе потврди дека постои посебен државен или економски интерес.
-Овие товарни возила и лица ќе влезат во Република Северна Македонија според посебни услови за заштита согласно протоколот на Министерството за здравство, изјави министерот Филипче.
Можеби ќе ве интересира
Сопственикот и главниот оперативен тим одушевени од развојот на Костал во Охрид, компанијата почнува сериско производство на технолошки најнапредна електроника за Фолксваген
Георгиева-Јовевска избрана за една од најуспешните жени менаџерки во земјата
Советничката Милица Арнаудова - Стојановска: Мерките на Народната банка го поттикнуваат „зеленото“ кредитирање
ВАЛУТИ: Вредноста на доларот ослабе, а еврото зајакна
Можеби ќе ви помогне ако патувате во Европа: Еве каде се највисоки а каде најниски цените на горивото
ВУЧИЌ Е ЗАДОВОЛЕН: Koлку работници се вработени во српските фирми преку „Отворен Балкан“?
АЗЕСКИ: Господ да му е на помош на тој што ќе донесе милијарда евра
ФАКТОР АНАЛИЗА: Скап ли е такси превозот во Скопје? Колку заработуваат најпопуларните компании?
