Светска банка го пофали укинувањето на помошта за трето дете

Добивај вести на Viber

Светска банка до Министерството за труд и социјална политика испратила извештај во кој ја пофилаила одлуката да се укине повеќегодишната финансиска помош за семејства со трето и четврто дете, известуваат од владиниот ресор.

Од банката се сложиле дека програмата за трето дете е најнеефикасна, истовремено троши најмногу средства од сите други прокети за социјална помош. Се очекува пренаменетите средства попрецизно да ги таргетираат разните социјални групи на кои повеќе им се потребни тие средства.

Од таму дале позитивна оценка за реформите на системите за социјална и детска заштита, предложени од Министерството за труд и социјална политика, со кои се очекува трајно да се намали сиромаштијата во Македонија и да се обезбедат еднакви услови за раст и развој за секое дете, информираат од МТСП.

Во однос на постојниот систем, во извештајот се истакнува дека програмите за намалување на сиромаштијата се најниски од регионот. Исто така, паричните трансфери што се доделуваат врз основа на законите за социјална заштита и за детска заштита, се во износ од 1,2 проценти од БДП, што е меѓу најниските во регионот и под просечното ниво на расходи за социјална заштита во земјите од Европа и Централна Азија.