Светска банка ќе и даде нов кредит на Србија

Добивај вести на Viber

Доколку буџетот за 2014 година биде донесен на време и доколку продолжи со фискалната консолидација, Светската банка на Србија ќе и одобри нов кредит во висина од 200 милиони долари, информира шефот на канцеларијата на Светската банка во Србија, Тони Верхеијен. Тој нагласи дека, доколку ги исполни критериумите, Србија би добила и дополнителни 50 милиони долари. Верхеијен за „Политика“ открива дека минатата недела се сретнале со потпретседателот на српската влада, Александар Вучиќ и идниот министер за финансии Лазар Крстиќ при што разговарале за овие прашања. - Мора да видиме дали владата ќе продолжи да го спроведува акцискиот план кој се занимава со претпријатија кои што се реконстурираат, како и дали за вработените ќе бидат предвидени отпремнини во буџетот за 2014 година - истакна тој.