Тачи со кратка изјава ги збесна Србите на 20-годишнината од почетокот на НАТО-бомбардирањето
Објавено во: Балкан 24 Март, 2019
Косовскиот претседател Хашим Тачи напиша дека "ОВК на земја и НАТО од воздух во заедничка борба за мир го присилија режимот на (Слободан) Милошевиќ на капитулација" на 20-годишнината од почетокот на бомбардирањата на североатлантската алијанса на Србија.
Според него, интервенцијата на НАТО го прекинала етничкото чистење.
Косовскиот премиер Рамуш Харадинај рече дека пред 20 години заврши "трагедијата на народот во Косово" и "сега стекнати се слобода и мир".
Претседателот на косовскиот парламент Кадри Весели рече дека нападите на НАТО го прекинале геноцидниот терор во Косово.
"Горди сме што сојузништвото со НАТО, кое го започна ОВК, денес го продолжува Армијата на Косово", пишува Весели.
Весели нагласува дека луѓето од Косово секогаш ќе им се благодарни на лидерите на демократскиот свет предводени од САД.