Тахографот на автобусот изгорел во пожарот
Објавено во: Македонија 23 Ноември, 2021
Тахографот на автобусот изгорел во пожарот, соопштија надлежните. Бојко Рановски, од државната автоагенција вели дека собраќајни прекршоци на возилото не се евидентирани од граничниот премин Капитан Адреево. Како доказен материјал ќе се користи и материјалот од камерите на преминот и агенцијата за надзор на патишта.
Првиот увид на местото на несреќата го имал и секретарот за безбедност на Перник, кој пристигнал прв заедно со пожарникарите. Според него нема дилема дека причина за несреќата е човечки фактор. Експертите од Бугарија ја анализираат и безбедноста на автопатот и поставеноста на знаците на делот од автопатот каде се случила несреќата. Трагедијата се случила во два часот на автопатот кај селото Боснек, на 40 километри јужно од Софија.