ТАРАВАРИ ЗА БАРАЊЕТО ЗА АЛБАНСКА АКАДЕМИЈА: Секогаш идеите кои се за наука и за уметност, јас мислам дека се добри
Објавено во: Македонија 29 Јули, 2024
Aрбен Таравари од Вреди објасни дека Албанската академија на науки ќе придонесе да имаме повеќе научни институции.
„Секогаш идеите кои се за наука и за уметност, јас мислам дека се добри и убави, така што засега почнавме како иницијатива од четири општини, јас се надевам дека понатаму дека ќе најдеме решение кои што би било прифатливо за сите кои што живееме во Република Македонија. Никогаш науката не се етнизира, таман работа, ние имаме повеќе универзитети, ќе имаме повеќе институции кои што се занимаваат со наука и со уметност и да ги развиеме овие институции што повеќе“, изјави Таравари.
Од ВМРО-ДПМНЕ велат дека Македонската академија на науките и уметностите(МАНУ) е единствената институција која ја обединува македонската научна мисла и во нејзиниот состав има различни етнички заедници.
Од МАНУ рекоа дека во регионот и пошироко нема земја со две академии.И од Левица изнесоа став дека во светот нема унитарна држава со две паралелни академии на науки.
foto Facebook/Arben Taravari