Тешка сообраќајка кај клучка „Стајковци“
Објавено во: Македонија 24 Март, 2018
Во тешка сообраќајна несреќа која се случи на клучката „Стајковци“ на скопската обиколница загина дваесет и двегодишен маж, додека пак уште две патнички се здобиле со телесни повреди/
Управувајќи го своето возило од марката „фолксваген голф“ мажот ја загубил контролата и удрил во метална ограда и бетонски ѕид. МВР соопшти дека во автомобилот имало две патнички, од кои едната била 14-годишно девојче од Скопје кое се здобило со тешки телесни повреди, а со телесни повреди се здобила четириесет и деветгодишната Х.А.
По укажаната лекарска помош во Градската општа болница „Св.Наум Охридски“, Х.А. била пуштена на домашно лекување, додека 14-годишното девојче било однесено во Ургентен центар при комплексот клиники „Мајка Тереза“ во Скопје каде била задржана на понатамошно лекување.
Увид на местото на настанот извршиле Јавен обвинител и екипа на СВР Скопје. По наредба на Јавен обвинител, телото на починатиот било предадено за обдукција.