Тешки иселенички приказни на Хрватите на патот за Германија
Објавено во: Балкан 15 Јануари, 2019
Една германска новинарка пишува за иселенички приказни полни со илузии и разочарување, разговарајќи со луѓето кои се возат на релација Штутгарт - Вуковар.
И Осијек последните години доби многу повеќе автобуски линии, затоа што луѓето заминуваат во странство поради работа.
Новинарката Сара Томшиќ од Die Tageszeitung вели дека во континенталните делови на Хрватска скоро и да нема работа.
Стапката на невработеност меѓу младите е 23%, а во 2017 година 80.000 граѓани ја напуштиле земјата.
Во Германија при крајот на 2017 година имало 400.000 Хрвати.
Тие се четврти по бројност од граѓаните кои доаѓаат од земјите од ЕУ.
Побројни се Полјаците, Италијанците и Романците.
Саре Томшиќ во 1987 година заминал за Германија, се оженил со Германка, работел на „црно“, а потоа почнал да работи на поправка на покриви.
Но, и негов близок роднина пред две години заминал да негува стари лица во Австрија, затоа што дома не заработувал доволно за живот. Другите роднини му се раселени во повеќе земји.
Новинарката раскажува дека 25 годишна медицинска сестра вееќ три години работи во кујна во ресторан во Штутгарт, но сака да се врати назад во Хрватска.
Но, не знае дали тој „луксуз“ може да си го дозволи, затоа што со работата во Германија ги издржува своите во Хрватска.