Тетовчанец со месеци крадел гориво од резервоари на автомобили
Објавено во: Македонија 26 Октомври, 2022
СВР Тетово објави дека е уапсен тетовчанец кој два месеци крадел гориво од резервоари на возила.
„На 25.10.2022 во 15.00 часот на улица „Благоја Тоска“ во Тетово, полициски службеници на СВР Тетово го лишиле од слобода А.А.(25) од тетовско Јеловјане. Тој се сомничи дека во текот на минатиот и овој месец извршил повеќе кражби на гориво од возила“, објави МВР.
Од осомничениот биле одземени две канти со гориво за кои постои сомнение дека потекнуваат од пријавените кривични дела.
По целосно расчистување и документирање на случајот против А.А. ќе биде поднесена соодветна пријава. поднесок.