Тевдовски: Растот на просечната плата се должи на зголемената минимална плата
Објавено во: Економија 22 Мај, 2018
Mинистерот за финансии, Драган Тевдовски денеска изјави дека платите во Македонија растат.
Вели дека просечната плата во март е зголемена за 5,6 отсто во споредба со март лани, а за 5 отсто е зголемена во првите три месеци од годинава во споредба со првите три месеци од 2017 година.
Тевдовски објаснува дека растот на просечната плата се должи на зголемената минимална плата.
„Зголемувањето на минималната плата доведе околу 90.000 вработени да имаат поголеми плати“ – рече тој.
Тој сепак вели дека е свесен дека платите во земјава треба да бидат повисоки.
Просечната месечна исплатена бруто-плата по вработен во март 2018 изнесува 34 764 денари.
Според податоците на Државниот завод за статистика, индексот на просечната месечна исплатена бруто-плата по вработен, во март 2018 година, во однос на март 2017 година, изнесува 105.3.
Ваквото зголемување се должи, пред сé, на зголемувањето на просечната месечна исплатена бруто-плата по вработен во секторите: Рударство и вадење на камен (17.3 %), Информации и комуникации (14.6 %) и Преработувачка индустрија (12.7 %).
Можеби ќе ве интересира
ПОРАЗИТЕЛНО: Приближно 70 отсто од фабриките во Русија се соочуваат со недостиг на работници
Бугарскиот „Флекс Кредит“ ќе врти кај должници и ќе бара наплата за компании
НАЦИОНАЛНО БИРО ЗА ОСИГУРУВАЊЕ: Цената на авто осигурувањето е непроменета од 2008 година, реално е покачувањето
„Алкалоид“ добитник на „Патент на годината за 2023“ за иновативниот „Омепразол“ во течна форма
Трендафилов: Газдите пријавуваа исчезнување на Непалките зошто им го платија патот до тука
Кина има за цел да склучи повеќе договори за слободна трговија, ветувајќи зголемена отвореност
НАЈГОЛЕМИТЕ ЕКОНОМИИ ГИ ПОДБРАА БОГАТАШИТЕ: Милијардерите да плаќаат даноци за да ја надоместат штетата на светот
СТАНОВИ И КАНЦЕЛАРИИ „ТЕШКИ“ 600 ИЛЈАДИ ЕВРА ОДАТ НА БАРАБАН: еве каков имот нудат банките на продажба
ССМ НАЈАВИ ПРОТЕСТ ЗА 1 МАЈ: Бараат минималецот да изнесува најмалку 450 евра
