Тие што имале 100 долари во биткоини во 2010 денес имаат 73 милиони долари
Објавено во: Економија 22 Мај, 2017
Криптовалутата биткоин сруши нов рекорд откако стигна до историски највисока вредност од неверојатни 2167 долари што е за 150 долари повеќе во однос на „курсот“ по кој се тргуваше на почетокот на годината.
Според финансиските анализи првите инвеститори кои купиле биткоини вредни 100 долари во 2010-та ако денес се уште ги поседуваат средствата истите би имале фантастична вредност од дури 73 милиони долари.
Причината за огромниот раст на биткоинот како електронска валута е политичката несигурност која владее на глобално ниво по Брегзитот и победата на Доналд Трамп на претседателските избори во САД. Исто така во Азија постои се поголема заинтересираност за купување на биткоини поради нестабилноста на традиционалните валути.