ТОЈ Е СИРИСКИ БИЗНИСМЕН И ИМА РУСКИ ПАСОШ: Ердоган го откри името на најголемиот купувач на нафта од ИСИС!
Објавено во: Балкан 03 Декември, 2015
Претседателот на Турција Реџеп Таип Ердоган вети дека турските власти ќе предадат докази за вмешаноста на сирискиот бизнисмен, кој , наводно поседува руски пасош, во трговијата со нафта од Сирија.
Ердоган, како одговор на обвинувањата за купување на нафта во Турција од таканаречената Исламска Држава (ДАЕШ) , изјавил дека најголем купувач на нафта од таа терористичка организација е бизнисмен од Сирија, кој наводно има и државјанство од Русија.
-Најголемиот купувач на нафта од ДАЕШ поседува руски и сириски пасош-Џорџ Хашвари. Тој му продава нафта и на режимот (Сирија). Таа информација ја соопшти и Министерството за финансии на САД-изјавил Ердоган во Анката, на конгресот на синдикати на Турција, а пренесе Спутник.
Тој вети дека турските власти ќе предадат докази за вмешаноста на Хашвари во тој бизнис.
Турскиот претседател уште еднаш вети дека ќе поднесе оставка ако Русија понуди докази дека Турција купува нафта од терористи.