Добивај вести на Viber
Јапонскиот автомобилски гигант Тојота поради дефект повлекува 2.77 милиони автомобили од пазарите во светот. Тоа е последниот удар врз најголемиот производител на автомобили во Јапонија, пренесуваат медиумите.
Автомобилите имале проблеми со пумпата за вода и со механизмот за управувањето. Од компанијата велат дека досега немало инциденти поради фабричките пропусти.
Во исто време, само од сопствениците на автомобили во Јапонија, во Тојота веќе имаат добиено над 400 жалби поради форенаведените дефекти.
Станува збор за различни модели на компанијата произведени помеѓу 2000-та и 2011 година . Меѓу нив е и хибридниот модел Приус. Главно автомобилите каде што се забележани пропустите биле продадени во Јапонија, Европа и САД.