Трајчевски: Нема да подлегнеме на притисоци, ќе работиме професионално

Добивај вести на Viber

Имам притисоци од повеќе страни, вели за „Мета“ директорот на Агенцијата за аудио и аудиовизуелни медиумски услуги (ААВМУ), Зоран Трајчевски, на прашањето дали политичките партии се обидуваат да влијаат врз него.

„Нема да подлегнеме и ќе работиме професионално и транспарентно како и досега“ – вели Трајчевски.

Ад хок телото за назор на медиумите со три гласа „за“ и со еден „против“ во петокот одлучи ААВМУ да поведе прекршочна постапка против телевизите „Нова“ и „Сител“ за неизбалансираност во известувањето.

За другите радиодифузери чие известување беше предмет на набљудување, не беа констатирани прекршувања на Изборниот законик.

Во случајот на телевизија „Нова“, за предлогот на членот Горан Трпеноски гласаа членовите Љубомир Костовски и Љуљзим Хазири, а против беше членот Цветин Чилиманов. Предлогот се однесува на поведување постапка за прекршување на членот 75, став 1 од Изборниот законик. Во образложението се вели дека „се забележува негативно врамување на одредени личности и континуирано известување со позитивна рамка и со позитивен тон за политичката партија ВМРО-ДПМНЕ и за носителите на власта“.

На 16 септември се констатира дека во рамки на „Отворено студио“ од 20 часот, водителката се вмешувала со навивачки начин во дијалогот меѓу министерот за финансии и неговиот заменик. Таа настапувала со поостар тон со претставникот на СДСМ, а во функција на поддржувач на претставникот на ВМРО-ДПМНЕ. Во исто време, на кајронот постојано се емитувани цитати со изјави на министерот, со што се истакнувал неговиот дел од изјавите, што е недвојбено навивачки и може директно да се припише на тој што ја подготвувал емисијата.