ТРАМП БЕСЕН ВЛЕГУВА ВО БЕЛАТА КУЌА: „Наместено како и порано“
Објавено во: Свет 18 Јануари, 2017
Новиот претседател на САД Доналд Трамп е лутен поради анкетата на ABC и Вашингтон пост која покажува дека влегува во Белата куќа како најнепопуларен претседател во последните 40 години.
Тој оценил дека анкетата е наместена.
„Истите луѓе кои ги водеа телефонските изборни анкети и кои погрешија, сега спроведуваат истражувања на популарност. Наместени се како и порано“, напишал тој на Твитер.
Според таа анкета, 40 отсто од Американците го поддржуваат начинот на кој Трамп ја изведе транзицијата, што е половина во однос на поддршката која ја имал претседателот во заминување Барак Обама пред да стапи на должност.
Џорџ Буш го поддржувале 72 отсто од граѓаните, Бил Клинтон 81 отсто.
Сличен број на граѓани, околу 40 отсто одобруваат поголем дел од изборот на Трамп за кабинетот, што е за околу 20 отсто помалку во однос на неговите четири претходници.
Исто така само 40 отсто гледаат на Трамп како поволен претседател, што е 21 отсто помалку од Обама и воедно најмала популарност од 1977 година.