ТРАМП ПОВТОРНО СО „УДАР“ КОН ТУРЦИЈА НА ТВИТЕР: Лирата во пад
Објавено во: Економија 17 Август, 2018
Турската лира почна да паѓа до 5,86 во однос на доларот во петокот наутро спрема нивото од 5,8150 при затворање на пазарите во четвртокот, бидејќи инвеститорите проценуваат дека Турција може да очекува уште економски санкции ако не го предаде притворениот американски свештеник Ендрју Брансон, соопштува Ројтерс .
Лирата загуби 35% од вредноста во однос на доларот оваа година, бидејќи влошувањето на односите меѓу сојузниците во НАТО донесе загуби поради загриженоста за влијанието на претседателот Реџеп Таип Ердоган на монетарната политика.
Министерот за финансии на САД Стивен Мнучин го уверил вчера претседателот Доналд Трамп кој изјави дека е подготвен да воведе уште санкции ако Брансон кој е суден во Турција под обвинение за тероризам, не биде ослободен.
Трамп подоцна напиша на Твитер дека САД "нема да плаќаат ништо" за ослободување на Брансон. Тој го нарече свештеникот "голем патриотен заложник". Турските власти велат дека случајот ќе се реши во судот.
Коментарите во САД доаѓаат откако министерот за финансии на Турција Берат Албајрак, зет на Ердоган, ги увери инвеститорите во четвртокот велејќи дека неговата земја ќе излезе посилна од валутната криза, инсистирајќи на тоа дека банките се во добра состојба.
Турската лира почна да закрепнува по падот на рекордно ниско ниво од 7,24 на почетокот на неделата. Опоравувањето беше поддржано од мерките на централната банка и ветувањето на Катар да инвестира 15 милијарди долари во Турција.