Трамп предвидува трговска зделка со Кина
Објавено во: Свет 09 Април, 2018
Американскиот претседател Доналд Трамп предвидува дека трговскиот спор помеѓу Вашингтон и Пекинг ќе биде решен.
"Со претседателот Си секогаш сме биле пријатели, без разлика што се случува во нашиот трговски спор. Кина ќе ги укине трговските бариери, зашто тоа е правилното нешто. Царините ќе станат реципрочни и ќе биде постигнат договор за интелектуална сопственост. Прекрасна иднина за двете земји" , напишал во "Твитер" Трамп.
Претходно оваа недела стравувањата од трговска војна меѓу двете сили достигнаа ново ниво, откако Трамп му нареди на кабинетот да се разгледа наметнување на нови давачки врз кинески стоки за 100 милијарди долари во одговор на наводната кражба на интелектуална сопственост од страна на Пекинг. Кина се закани дека ќе одговори со контрамерки.