Транспорт и врски ја поздрави акцијата на МВР за апсење на „директорите“ – измамници

Добивај вести на Viber

Министерството за транспорт и врски ја поздравува акцијата на Министерството за внатрешни работи за откривање и санкционирање на лицата кои се служеле со измама и заработувале продавајќи лажни дозволи за превоз. „Ги повикуваме сите превозници во Република Македонија кои вршат превоз на патници и стока во патниот сообраќај да не подлегнуваат на шпекулации и измами дека некој друг, освен Министерството за транспорт и врски може да им издаде соодветна дозвола“, велат од ресорното Министерство. Притоа, се потенцира дека за сите видови превоз, во Министерството за транспорт и врски функционира електронски систем за аплицирање и распределба. „Овој начин на работење ги потврди нашите заложби за целосна елиминација на можностите за корупција во секторот за транспорт, а истовремено овозможуви зајакнување на транспарентноста во давањето на јавните услуги за граѓаните. Имплементацијата на овој современ електронски систем кој во огромна мера е надограден и усовршен, овозможува превозниците да се ослободат од административните процедури за прибирање на потребната документација за аплицирање како и да се избегнат проблемите при доставувањето на некомплетна документација, а го елиминира човековиот фактор во распределбата на дозволите“, информира Министерството за транспорт и врски Дополнително на ова, во 2009 година па наваму Министерството за транспорт и врски ја направи најголемата реформа во патниот сообраќај воопшто со воведувањето на лиценците за вршење на превоз на патници и стока. Лиценцирањето на превозниците допринесе за ставање ред во вршењето на превозот и за конечно селектирање кои превозници се легални, а кои се диви превозници. Во координација со Министерството за внатрешни работи континуирано се спроведуваат активности за идентификување на лицата кои вршат нелегален превоз и нивно сакнционирање согласно законските прописи, со цел ставање на ред во превозот и овозможување стандардизиран и побезбеден транспорт. ИЗМАМА: Се претставувале како директори во Министерството за транспорт и врски и мамеле превозници!