Третина граѓани во оваа земја сакаат да станат претприемачи
Објавено во: Економија, Балкан 16 Ноември, 2016
Околу 34% од Бугарите имаат желба да станат претприемачи.
Позитивниот став кон претприемништвото во Бугарија се зголемува, но останува под просекот во Европа и на глобално ниво.
Иако позитивниот однос на Бугарите кон претприемништвото во 2016 година е зголемен значително во однос на минатата година, сепак е пониско од просекот на глобално ниво. Само 59% од Бугарите имаат позитивен став кон претприемништвото, што е зголемување за 5 поени во споредба со 2015 година.
Податоците се од годишниот извештај на Amway за претприемништво (Amway Global Entrepreneurship Report - AGER), изготвен во партнерство со Техничкиот универзитет во Минхен.
Податоците покажуваат дека само 34% од испитаниците во Бугарија имаат желба да станат претприемачи, а 20% се убедени дека поседуваат квалитети да почнат бизнис. Една четвртина го делат мислењето дека не би се откажале од намерата да започнат сопствен бизнис, ако семејството и пријателите им се обидат да ги обесхрабрат.