Тричковски за Фактор: Протестите се израз на неукоста и просташтвото

Добивај вести на Viber

Договорот е извод од европската книга на родените. Конститутивен и државотворен акт рамен на АСНОМ на референдумот за независноста, вели за Фактор, долгогодишниот новинар и уредник Бранко Тричковски.

„Преминување на нов погон, од примитивноста, затвореноста, вмровштината и сите други ограничености, на европски погон. Помалку е важен делот што го штити таканаречениот идентитет, отколку тој што го менува, преку разбивањето на македонските лаги за себе и фолклорните прдонисни надуености. Нема зошто да се трудиме со деликатноста и со лицемерните финоќи: протестите се израз на неукоста и просташтвото, на некултурата, на лесната подложност на митомански манипулации и евтини корупции, тие се срам, тие се манифестација на празноглавоста. Но, како што можат да забележат трезвените посматрачи, тие се последни изблици на македонската патетика, а не нејзина ескалација.“, вели Тричковски

Додава оти борбата против договорот е како борба против доаѓањето на летото или против вртењето на земјината топка или како што вели ритуал на будалите.

„Ѓурултии ќе има и во иднина, но тие нема да бидат релевантни за македонското определување да ја градиме Македонија како модерна нација и држава, интегрирана во Европа и во светот, вели Тричковски.