ТРОШОЦИТЕ ЗА ЖИВОТ РАСТАТ: Во септември сме плаќале поскапо месо, шеќер, здравство

Добивај вести на Viber

Граѓаните во септември плаќале поскапо месо, шеќер, замрзнато овошје, гас за домаќинства и здравствени услуги. 

Ова е заклучокот на последните евидентирани податоци од државниот завод за статистика за месец септември.

Статистиката бележи раст на кај трошоците за живот и тоа за 0,2 отсто, додека цените на мало се намалени за 0,2 отсто во споредба со август.

Според индексот на цените, растот е забележан поради повисоките индекси на свежиот и разладен зеленчук освен компирот за 2.6%, јајцата за 2.4%, компирот за 1.3%, месото, рибата, морските плодови и замрзнатото овошје за 0.7%, шеќерот, џемот, медот, чоколадата и кондиторските производи за 0.5%, сувото овошје, јаткастите производи и алкохолните пијалаци за 0.3% и сушеното, соленото и чаденото месо за 0.2%. 

Исклучок не се ниту гасот за домаќинства за 3.7%, течните горива за домаќинствата за 3.2%, течните горива и мазива за 2.4%, средствата за чистење и одржување на станот за 2.0%, здравствените услуги за 1.5%, ветеринарните и другите услуги за домашните 
миленици за 1.2%, книгите за 0.9%, другите лични предмети за 0.7%, мебелот и малите електрични апарати за домаќинствата за 0.8%, материјалите за одржување и поправки на станот за 0.6%, угостителските услуги за 0.5%, цврстите горива за домаќинствата за 0.3%, услугите за лична хигиена, накитот и часовниците за 0.2%.

Пад пак е забележан кај оризот и полномасното млеко за 1.1%, изнутриците за 0.5%, другите прехранбени производи за 0.4% и свежото и разладеното овошје за 0.3%,  

Пад на трошоците за живот има и кај авионскиот превоз на патници, туристичките пакет-аранжмани, услугите за сместување, болничките услуги, велосипедите, обувките и лековите. 

Индексот на цените на мало бележи пораст од 0.5%