Турција презеде шест Ѓуленисти од Косово - Ќе има ли акции и во Македонија?

Добивај вести на Viber

Турската разузнавачка служба во соработка со косовските власти уапси шестмина „Ѓуленисти“, односно лица кои се осомничени дека се следбеници на проповедникот Фетула Ѓулен кој во Турција е обвинет за организирање на јулскиот воен пуч против Ердоган кој заврши неуспешно.

Акцијата на турските агенти траел подолг период по што се смета дека е нанесен сериозен удар врз мрежата на приврзаници на организацијата „ФЕТО“ која Ердоган ја прогласи за терористичка.

Уапсени во Косови се турците Цихан Озкан, Кахрама Демирез, Хасан Хусеин Гунакан, Мстафа Ердем, Осман Каракаја и Јусуф Карабина. Тие со специјално летало се екстрадирани по итна постапка во Турција. Овие лица биле бегалци од турската правда, се наведува во соопштението. 

Ваквиот потег покрена многу грижи дали слични акции на турската разузнавачка служба ќе има и во останатите земји, особено во Македонија каде веќе постои одредена листа на луѓе и организации за кои официјална Анкара смета дека се блиски до „ФЕТО“. Дел од овие лица за македонските медиуми истакнуваа дека немаат никаква поврзаност со посочениот турски проповедник кој е во азил во Америка.