ТУРЦИЈА: Уште еден силен земјотрес го стресе округот Измир во Егејско море
Објавено во: Балкан 17 Јуни, 2017
Земјотрес со јачина од 4,5 степени по Рихтер утрово е регистриран во Егејското море на подрачјето на округот Измир, јави турската телевизија НТВ.
Се соопштува дека епицентарот на земјотресот бил во морето на длабочина од 11,88 км, во близина на градот Карабурун и дека нема податоци за повредени ниту материјална штета.
Во силниот земјотрес кој во понеделникот го погоди западниот турски брег и грчкиот остров Лезбос загина една жена, десетици се повредени, а зградите се треселе од турски Измир до грчка Атина.
Епицентарот на силниот земјотрес од 6,3 степени по Рихтер бил околу 84 км северозападно од Измир и 15 км јужно од Лезбос.