Турците сакаат мир со Грците, но има еден проблем
Објавено во: Балкан 23 Јули, 2019
Шефот на турската дипломатија, Мевлут Чавушоглу изјави дека Анкара сака да ги поправи односите со Грција.
Чавушоглу вели дека Турција сака да усвои пакет договори кои ќе се однесуваат на односите меѓу двете земји во Егејско Море и источен Медитеран, објави грчкиот весник Екатимерини.
Вели дека на источниот Медитеран не се потребни понатамошни истражувања или бушотини кои Турција веќе извесно време ги спроведува, но додаде и дека Турција никому нема да дозволи да ги предизвика нејзините суверени права за таа област.
Новиот грчки министер за надворешни работи, Никос Дендиас во грчкиот парламент рече дека Грција нема да толерира закани за војна, провокативни активности и еднострани барања, но дека истовремено ќе промовира политика на добрососедски односи и почитување на меѓународното право и договори.